Проектот е во организација на Здружението Клуб за нуркање АКВАТЕК – Охрид, а во рамките на Регионалната програма за локална демократија во Западен Балкан.
Заеднички реализиравме уште 
две активности:
Еко – Едукатори 
Тема: Проблемот со цврст отпад во Охридското Езеро 
Училница во природа
Тема: Охридската природа и вода со својата биолошка разновидност, местрилиште и зимувалиште на рибите, еко мотивација и надградување на нови сознанија. 
Младите четвртоодделенци во улога на вистински предавачи или ЕКО ЕДУКАТОРИ 
, го пренесоа своето знаење на своите врсници околу цврстиот отпад во Охридското Езеро. Слушатели беа нивните другарчиња од второ и трето одделение.
Креативно, едукативно, интересно и пред сè еколошки подготвени со многу знаење, свои заклучоци, аргументи и поуки.
Втората активност се реализира кај каналот Студенчишта, каде во природно опкружување ги дознаа приказните на Билјанините извори, езерото, базените, рибите, местрењето и нивниот опстанок во зима.
Го посетија и Хидробиолошкиот Завод – Охрид, а беа дел и од видео презентацијата за вештачкиот мрест на пастрмката, нашата ретка и ендемски езерската вредност.
На крај интересна им беше и дружбата со езерската полиција при Регионалниот центар за гранични работи “Запад” кога дознаа за 
“мрежите духови”, кои се голема закана за опстанокот на подводниот жив свет.
Младите зелени истражувачи ги слушнаа некои и од полициските обврски и работни задачи во оваа проблематика и ја видоа нивната опрема која се користи во текот на тие еко патроли.
Наскоро уште една активност во склоп на овој проект
НЕКА БИДЕ ЗЕЛЕНО СÈ
,НЕШТО СИНО”
е насловот на групната изложба на која нашите талентирани #ПРЛИЧЕВЦИ имаат свои ликовни творби, како дел од проектот 
“Зелена младина, зелена иднина” на Здружението Клуб на нуркање АКВАТЕК – Охрид 
Diving Center Akvatek
Убавините нацртани како
,,НЕШТО СИНО” можат да се погледнат во Куќата на Робевци, каде што главната инспирација е синилото на нашето езеро и импресиите од него.
На овој начин потврдуваме дека единството на луѓето и природата е иднината на нашата планета, а синилото треба да остане во иста боја засекогаш
Нека има постојано ,,НЕШТО СИНО” – порачуваат #ПРЛИЧЕВЦИ
