Проектот „Промоција на безбедна училишна средина“ е поддржан од Детската фондација Песталоци (Kinderdorf Pestalozzi).
Целта на проектот е да придонесе кон остварување на правото на децата за квалитетно образование во безбедна и партиципативна училишна средина во основните и средните училишта. Проектот ќе се фокусира кон креирање на безбеден простор на децата и младите во училиштата преку активна поддршка за справување на сите форми на насилство врз децата, како тема која е актуелна помеѓу децата и младите.
Проектот го спроведува Коалиција на младински организации СЕГА во партнерство со МЦГО – Македонски центар за граѓанско образование / MCEC, Прва детска амбасада Меѓаши / First Children’s Embassy Megjashi и SmartUp – Social Innovation Lab, во периодот септември 2024 – август 2026 година.