Со особена чест ви ги претставуваме нашите прличевки – музичарки, победнички на врвниот музички натпревар во Тревизо – Италија на кој учествуваа млади музичари од 15-тина држави од светот.
Тоа се: Катја Крстаноска која свири пијано, ученичка во второ одделение и деветоодделенката Ива Чанова на флејта.
Двете наши млади музички таленти посетуваат основно стручно образовние во охридското музичко училиште “Методи Патче” зад кои се провлекуваат безброј награди и признанија.
Овој триумф на XV Меѓународен натпревар “Giovani musicisti”, во силна конкуренција, блесна со прва награда
за Катја која е во класата по пијано на проф. м-р Ана Ѓорѓиоска 
и Ива со освоена трета награда 
во класата по флејта на проф. м-р Нина Момировска.
Инаку и двете прличевки се одлични и примерни ученички во нашето училиште кои покажуваат солидни резултати и талент во повеќе области од основното образование.
Горди на своите #ПРЛИЧЕВЦИ порачуваме дека патот до успехот започнува тука, со многу труд, посветеност и работа, а наградите се само знаци кои покажуваат дека сте на вистинскиот пат.
