Дежурствата на наставниците претставуваат важен сегмент од воспитно-образовниот процес и имаат клучна улога во обезбедувањето безбедна, организирана и позитивна училишна средина. Со присуството на дежурните наставници се овозможува:
- навремено одржување на редот и дисциплината,
- зголемена безбедност на учениците за време на одморите и пред/по наставата,
- превенција од несоодветно однесување,
- создавање чувство на сигурност и поддршка кај учениците.
Дежурството не е само обврска, туку и значајна воспитна улога преку која наставниците со личен пример придонесуваат за развој на одговорност, почит и позитивни вредности кај учениците.
Се апелира до сите наставници да ги извршуваат дежурствата совесно и одговорно, во интерес на безбедноста и добросостојбата на учениците.